நமது முகத்தையே கடவுச்சொல்லாக பயன்படுத்த.... Face Recognition

பொதுவாக கணினியில் நுழைய பயனாளர் பெயரும், கடவுச் சொல்லும் வழங்குவது தான் தற்போதைய நடைமுறை. இதற்குப் பதிலாக முகத்தை மட்டுமே காட்டி கணினிக்குள் எளிதாக நுழையலாம்.

இதற்கு முகம் ஏற்பு (Face Recognition) என்று பெயர். முகத்தை வைத்து பயனாளரை கண்டு பிடிப்பது இதன் அடிப்படை நாமும் நம்முடைய முகத்தை காட்டி நம்முடைய கணினிக்குள் நுழையலாம். இதற்காக பல மென் பொருள்கள் இருந்தாலும் அதிக மக்களின் பேராதரவோடு பிலிங்க் என்ற மென்பொருள் வெற்றி கண்டுள்ளது. இந்த மென்பொருள் இலவசமாக கிடைக்கின்றது. இந்த மென்பொருளை நம்முடைய கணினியில் தரவிரக்கம் செய்து நிறுவிக்கொண்டு வெப்கேம் அல்லது மடிக் கணினியுடன் வரும் கேமிரா முன் நம்முடைய முகத்தை காட்ட வேண்டும், அவ்வளவுதான் இனி நம்முடைய கணினி நம்மை உள்ளே செல்ல அனுமதிக்கும். விண்டோஸ் விஸ்டா, விண்டோஸ் ஏழு ஆகிய இயங்குதளங்களில் இயங்கும் திறனுடன் 32பிட், 64பிட் பதிப்பிலும் இது கிடைக்கின்றது. இந்த மென்பொருள் இயங்க 25 முதல் 30 எம்.பி வரை மட்டுமே தேவையாகும். இந்த மென்பொருளை தரவிறக்க இங்கே சொடுக்கவும்.

Image to PDF Converter

நாம் இணையத்தில் படங்களை ஒரு சில படங்களை அப்படியே சேர்த்து அனுப்புகிறோம். படங்கள் அதிகமானால் என்ன செய்வதென்று விழிபிதுங்கவேண்டாம். இதோ பல படங்களை ஒரே ப்பி.டி.எஃப் போப்பாக மாற்றிவிடமுடியும். இந்த மென்பொருளை ஒரு மாதம் இலவச சேவையில் பெறலாம். பணம் இருப்போர் விலைகொடுத்து எவ்வளவுநாள் வேண்டுமானாலும் பயன் படுத்தலாம். இந்த மென்பொருளிலிருந்தே ஸ்கேனர் பயன்படுத்திக்கொள்ளலாம். மேலும் வாட்டர் மார்க், புக்மார்க் போன்ற வசதிகளும் உண்டு. 1.5 எம்.பி அளவுள்ள இந்த மென்பொருள் விண்டோசின் அனைத்து இயங்குதளங்களிலும் பயன்படுத்திக்கொள்ளலாம். தரவிரக்க இங்கே சொடுக்கவும்.

பாதுகாப்பான இணையதளத்தை அறிய வேண்டுமா?

குறிப்பாக எந்த வகையில் பாதுகாப்பானது என்று எதிர்பார்க்கிறீர்கள்? அதன் முகவரியில் http:// என்று வழக்கமாக இருக்கும் இடத்தில் https:// என்று இருந்தால் அது பாதுகாப்பானது.இதன் உறுதியான, பாதுகாப்பான நிலையில் நம்பிக்கை வைத்து தகவல்களைத் தரலாம். இன்னொரு வழியும் உள்ளது. http://www.google.com/safebrowsing/diagnostic?site=“ ” என டைப் செய்து மேற்கோள் குறிகளுக்கிடையே அந்தக் குறியீடுகள் இல்லாமல் அந்த தளத்தின் முகவரி கொடுத்து பிரவுசரின் அட்ரஸ் பாரில் அமைத்து என்டர் தரவும்.

அந்த தளம் குறித்த தகவல்கள், அதன் தன்மை குறித்த விபரங்கள் உங்களுக்குக் கிடைக்கும். கடந்த 60 அல்லது 90 நாட்களில் அந்த தளத்தினை கூகுள் நிறுவனம் சென்று வந்தது எனவும், எந்த வித கெடுதல் விளைவிக்கும் மென்பொருள் தொகுப்பினை அது பரவவிடவில்லை எனவும் சான்றிதழ் கிடைக்கும்.

மோசமான தளமாக இருந்தால் அதன் தன்மை குறித்து தகவல் இருக்கும்