கணினியை அணைக்கும் பயர்பாக்ஸ் நீட்சி Autoshutdown option FIREFOX

இணையத்திலிருந்து கோப்புகளைத் தரவிரக்கம் செய்யும்போது அதற்கான மேலாண்மை மென்பொருள்களை சிலர் பயன் படுத்துவார்கள். ஃபயர் பாக்ஸ் உலாவியை பயன்படுத்துபவர்கள், அதன் இயல்பான வசதியிலேயே ரவிறக்குவார்கள். சிறிய கோஙப்பென்றால் சிக்கல் இல்லை. பெரிய கோப்புகளைத் தரவிறக்கம் போது சிலருக்குக் காத்திருக்கப் பிடிக்காது. ஆனால் தரவிறக்கம் முடியும் வரை கணினியை அணைக்காமல் வைத்திருக்க வேண்டும்.

இது போன்ற ) சுழ்நிலைகளில் தரவிறக்கம் முடிந்தவுடன் கணினி தானாகவே அணைக்கப்பட்டால் எளிதாக இருக்கும் என நினைப்போம். இதற்கென உருவாக்கப்பட்ட ஒரு ஃபய்ர்ஃபாக்ஸ் நீட்சி தான் ஆட்டோ ஷட்டவுன் என்ஜி ( Auto Shutdown NG ). இந்த நீட்சியின் உதவியுடன் ஃபயர்ஃபாக்ஸ்சில் தரவிறக்கம் செயல் முடிந்தவுடன் கணினியை தானாகவே அணைத்து விட முடியும். இதனால் நாமும் கணினியோடு சேர்நது காத்திருக்கத் தேவையில்லை.
இந்த நீட்சியை நிறுவிய பின்னர் Firefox Addons சென்று Auto Shutdown Option இல் உங்கள் இயங்குதளத்தைத் தேர்வு செய்து விட்டால் போதும்.
அடுத்து ஏதாவது ஒரு கோப்பை இணயத்திலிருந்து தரவிறக்கம் செய்யும் போது அதன் டவுண்லோடு மேனேஜர் ( Firefox Download Manager ) விண்டோவின் அடியில் கணினியை அணைப்பதற்கான ( Shut Down ) பட்டன் ஒன்று புதியதாக வந்திருக்கும். இதனை ஒருமுறை கிளிக் செய்தால் இது சிவப்பு நிறத்தில் மாறிவிடும்.
உங்களுக்கு தேவையான தரவிறக்கம் முடிற்தவுடன் கணினியை அணைக்க வேண்டாம் என்றால் மீண்டும் அந்த பட்டனையே கிளிக் செய்ய வேண்டும்.
பின்னர் நீங்கள் உங்கள் வேலையைச் செய்யலாம். எல்லா கோப்புகளும் தரவிறக்கி முடிந்தவுடன் இந்த நீட்சி கண்டறிந்து கணினியை அணைத்துவிடும்.
தரவிறக்கம் முடிந்தவுடன் கணினியை அணைக்கப்போவதற்கு முன் ஒரு அறிவிப்பு வரும். நீங்கள் கணினியை தொடர்ந்து பயன் படுத்த வேண்டும் எனில் அதனை கேன்சல் செய்தால் போதும். கணினி அணைக்கப்படுவது நிறுத்தப்படும். பெரிய அளவிலான கோப்புகளை இரவு நேரத்தில் தரவிறக்க இந்த நீட்சி பயனுள்ளதாக இருக்கும்.
இதனை தரவிரக்க: இங்கே சொடுக்கவும்.